Dalilan INEC na cire Alhassan Ado Doguwa daga cikin wadanda suka lashe zabe

Hukumar zabe mai zaman kanta ta Najeriya INEC ta fitar da jerin sunayen wadanda suka lashe zaben yan majalisun tarayya.

Sai dai a Jihar kano hukumar bata bayyana sunan wanda ya lashe zaben kananan hukumomin Doguwa da Tudunwada ba.

Inda hukumar ta ce, baturen zaben Doguwa da Tunwada ya ce, tursasashi aka yi ya ayyana sakamakon zaben da ya nuna cewa Alhassan Ado Doguwa ne ya yi nasara.

Haka a karamar hukumar Fagge INEC ta ce za a sake zabe a wasu akwatuna.

A ranar 25 ga watan Fabrairun da ya gabata ne hukumar INEC ta sanar da Alhassan Ado Doguwa a matsayin wanda ya samu nasarar lashe zaben kujerar majalisar wakilai a kananan hukumomin Doguwa da Tudunwada.

Rahoton: Bashir Sharfadi