EFCC ta Cafke tsohon Ministan Ciniki

Hukumar yaki da Cin hanci da rashawa ta kasa EFCC ta kame tsohon Ministan ciniki da masana’antu Charles Chukwuemeka Ugwuh bisa zargin sama da Fadi da Biliyan Uku da Miliyan Shida.

Wannan na cikin wata sanarwa da daraktan yada labarai da wayar da kan Jama’a na hukumar Dele Oyewale ya fita ga Manema labarai.

Sanarwar ta ce an kame Charles Ugwuh da Chief Geoffrey Ekenma a ranar 11 ga watanan na Junairu a Jihar Imo.

A cewar sanarwar, kaman na zuwa ne bayan takadar korafi da hukumar ta samu kan Zargin an sanyawa wani kamfani Mai zaman kansa Mai sun Ebony Agro Kudade ba bisa ka’ida ba a wancan lokaci.