EXPO 2020: Buhari zai tafi haɗaɗɗiyar daular Larabawa

A yau Laraba ne ake sa ran shugaban ƙasa Muhammadu Buhari zai bar Abuja domin halartar bikin EXPO 2020 a Dubai da ke Hadaddiyar Daular Larabawa.

A ranar Asabar mai zuwa ne shugaba Buhari zai kasance babban bako na musamman a bikin mai taken: bude Damarar Zuba Jari a Najeriya.

Bikin baje kolin dai zai sake bai wa Najeriya damar bayyana gagarumin ci gaban da aka samu a fannin tattalin arziki a cikin shekaru shidan da suka gabata a matsayin ginshikin mayar da kasar muhimmiyar makoma ta zuba jari kai tsaye daga ketare.

Kazalika taron zai bai wa Najeriya damar shiga cikin ƙasashe sama da 190 don kulla alaka mai kyau da samar da makoma.

Shugaban Buhari zai samu rakiyar wasu daga cikin ministocin sa da suka haɗar da ministan harkokin kasashen waje, Geoffrey Onyeama da ministan masana’antu Ciniki da zuba Jari, Otunba Adeniyi Adebayo da ta Kudi kasafin da tsare-tsare Hajiya Zainab Shamsuna Ahmed.

Buhari na ganawa da shugaban Afrika ta kudu Cyril Ramaphosa

Sai ministan tsaro, Manjo janar Bashir Magashi mai ritaya da ministan jiragen Jirgin sama, Sanata Hadi Sirika da na Noma da Raya Karkara, Daka Mohammad Mahmud Abubakar.

Ana sa ran shugaba Buhari zai dawo Abuja a ranar Lahadi 5 ga Disamba, 2021 kamar yadda sanarwar da Femi Adesina mai mataimakawa shugaban kan harkokin yaɗa labarai ya fitar.