Farashin gangar danyen mai ya tashi zuwa dala 68 a kasuwar duniya

Farashin gangar danyen mai ya samu tagomashi bayan da ya karye tsawon mako guda a kasuwar duniya.

A dai makon da ya gabata ne farashin ya yi faduwar da tun a shekarar 2019 rabon da yayi irin ta.

Farashin na kowace gangar danyen man ta Najeriya ta karu da naira 1473 da kobo 17 ta kuma tsaya kan naira 28294 da kobo 74.

Har wa yau, masana tattalin arziki na ganin dalar Amurka ta yi kasa baya ga hauhawar farashin da aka samu a baya-bayan nan, wanda hakan ya karfafa karin farashin kayayyaki.