Ganduje zai bawa ‘yan wasan kwallon kafa na Kano Naira Miliyon 96

Gwamnatin jihar Kano ta ce a mako mai zuwa za ta bawa yan wasan Kano dake buga wasannin kwallon kafa daban-daban ajin Matasa su 44 Kudi Naira Miliyon 96 domin su inganta harkokin rayuwar su.

Gwamnan Kano Dakta Abdullahi Umar Ganduje ne ya bayyana hakan yau Laraba 27 ga watan Oktobar 2021, yayin da yake ganawa da ‘yan wasan a fadar gwamnatin jihar.

Ya ce za’a basu kudun ne domin su samu kwarim gwiwa a wasannin kakar shekarar 2021/2022 da za’a fara.

Ya kuma bukaci ‘yan wasan da su jajirce a gasar wasanni da za su fara daban-daban domin ganin sun fitar da jihar Kano Kunya.