Gobara ta ƙone wani mutum guda a ma’aikatar ilimi ta tarayya

Hukumar kashe gobara a babban birnin tarayya Abuja ta tabbatar da ƙonewar mutum 1 sakamakon gobarar da ta tashi a ma’aikatar ilimi ta tarayya.

Mai magana da yawun hukumar Ibrahim Muhammad ne ya tabbatar da hakan ga manema labarai.

Ya ce har yanzu ba’a kai ga gano musabbabin tashin gobarar ba,sai dai ya ce gobarar ta tashi da yammacin ranar L       araba a sakatariyar Abuja.

A cewarsa wutar ta ƙone ƙafafuwan mutumin da ba a kai ga bayyana sunan sa ba, a ƙoƙarinsa na fita bayan kammala aikin sa na wannan rana.

Ibrahim Muhammad ya ce, gobarar ta shafi bankin da ke Zenith da ke maƙwabtaka da sakatariyar.