Gwamnati ta kara baiwa ‘yan kallo damar shiga fili – Kungiyoyin Firimiya

Kungiyoyin dake buga gasar firimiyar kasar Ingila sun roki gwamnatin kasar da ta taimaka wajen ganin an ci gaba da barin ‘yan kallo shiga filayen wasanni daga ranar 1 ga wata mai zuwa.

Gwamnatin dai ta yi dokar barin mutane 1,000 kacal shiga filayen kallon wasanni, bayan da aka dawo ci gaba da wasanni daga hutun Coronavirus a kasar.

Kawo yanzu dai gwamnatin ta sha alwashin sake nazartar dokar a ranar 1 watan mai kamawa don yiwa dokar kwaskwarima.

Hukumar shirya gasar ta tattauna da kungiyoyin a yau, domin tabbatar da cewa filayen wasannin ba za su sakawa ‘yan kallon farga ba.