Gwamnati ta zargi kasashen duniya da kin sayawa kasar nan makamai

Gwamnatin tarayya ta bukaci manyan kasashen duniya da su daina sauraran karairayi da ake yadawa kan Najeriya, sannan su ki sayarwa da kasar nan makamai na zamani da za a yaki ‘yan ta’adda dasu.

Ministan yada labarai da raya al’adu Alhaji Lai Muhammed ne ya bayyana hakan, yayin zantawa da manema labarai yau a Abuja.

A cewar Alhaji Lai Muhammed akwai bukatar manyan kasashe su taimakawa kasar nan wajen samar da makamai.

Alhaji Lai Muhammed, ya kuma ce, yakar ‘yan ta’adda na bukatar amfani da makamai na zamani saboda haka gwamnati ke kokari don ganin ta samarwa dakarun kasar nan kayan aiki.

Ministan yada labaran da raya al’adu ya kara da cewa, matukar manyan kasashen duniya da suka ci gaba, za su yi kememe su ki sayarwa da kasa makamai na zamani don yaki da ayyukan ta’addanci, to ba daidai bane kuma wadancan kasashe su koma gefe suna korafin cewa, kasar ta gaza wajen yaki da ta ke yi da ta’addanci.