Magu ya zargi kwamitin Ayo Salami da take masa hakki

Lauyan dake kare dakataccen shugaban hukumar yaki da cin hanci ta EFCC Wahab Shittu ya rubutawa shugaban kwamitin dake Magu, Ayo Salami wasikar neman bahasi kan take hakkin Ibrahim Magu don kare kan sa a ya yin binciken.

Wahab Shittu ya bayyana matakin da kwamitin ya dauka da cewa yana ayyukan sa asirice, yana mai cewar an take wa wanda yake karewa damar jin ta bakin sa

Wasikar mai dauke da kwanan watan jiya na nuna rashin jin dadin sa kan yadda kwamitin yaki amincewa wajen kare kan sa na zargin da ake masa na cin hanci da rashawa tun daga watan Mayun shekara ta dubu biyu da sha biyar zuwa Mayun dubu biyu da 20.