Gwamnatin Afghanistan ta haramta cakuɗuwar mata da maza a aji

Gwamnatin Taliban a kasar afghanistan ta samar sa sabon tsarin karatu, wanda ya haramtawa mata yin karatu tare da maza, wanda hakan na nufin za’a raba ajujuwan maza daban na mata ma daban.

Hakan ya fito ne ta bakin Ministan Ilimi Abdulbaqi Haqqani , ya kuma tabbatar da cewa lalle za su bawa mata damar yin karatu amma ba tare da cudanya da maza ba.

Ministan ya kara da cewa, za kuma su tace irin darusan da ya dace ana koyarwa a makaratun.

Idan za’a iya tunawa dai, a zamanin mulkin na taliban na shekarar 1996 da kuma na shekarar 2001, sun haramtawa mata yin karatu a fadin kasar. Amma sai dai a wannan karan sun yi alkawarin cewa zasu bawa mata damar su yi karatu har ma da yin aiki.