Gwamnatin jihar Kano ta nada sabon Kwamishinan ayyuka.

Gwamna Dakta Abdullahi Umar Ganduje ne ya rantsar da Injiniya Idris wada Saleh a matsayin sabon Kwamishina a ranar Laraba .

Babbar lauyar gwamnati Amina Ƴar Gaya ce ta rantsar dashi a madadin gwamnan yayin taron majalisar zartarwa.

Gwamna Ganduje ya ce “Mun tura sabon kwamishinan zuwa ma’aikatar ayyuka domin ya ci gaba da gudanar da ayyukan ta”

“Mun kuma aike da tsohon kwamishinan ayyuka Idris Garba unguwar Rimi zuwa ma’aikatar kimiyya da fasaha ta Kano don ya ci gaba da aiki a can”.

Dakta Abdullahi Umar Ganduje ya kuma buƙaci sabon kwamishinan ayyukan ya gudanar da aikin sa yadda zai ciyar da Kano gaba.

Idan ba a manta ba dai, sabon kwamishinan ayyuka Injiniya Idris Wada Saleh shi ne ya ke riƙe muƙamin shugaban hukumar kula da gyaran titunan Kano gabanin naɗa shi a matsayin Kwamishina.