Labarai
Gwamnatin kano ta umarci a gaggauta fitar da tsohon Sarki Aminu Ado daga gidan Nasarawa
![](https://freedomradionig.com/wp-content/uploads/2024/06/IMG-20240523-WA0035.jpg)
Gwamnatin Jihar Kano ta umarci kwamishinan ƴan sanda da ya fitar da Sarkin Kano na 15 Alhaji Aminu Ado Bayero daga gidan Sarki na Nasarawa cikin gaggawa domin zata fara aikin gyara a wannan lokacin.
Kwamishinan Shari’a na jiha Barista Haruna Isa Dederi ne ya bayyana hakan a daren Alhamis yayin taron manema labarai da ya gudanar a gidan gwamnati jihar.
Barista Haruna Isa Dederi yace gidan Sarki na na Nasarawa mallakin gwamnatin Jihar Kano ne don haka suka umarci kwamishinan Yan sanda
daya gaggauta fitar da tsohon sarkin.
Ya ƙara da cewa hukuncin da kotu tayi ya tabbatar da halaccin dokar da majalisar dokokin jihar Kano ta yi Wanda gwamna ya sawa hannu.
Kwamishinan Yace umarnin da kotu ta bayar ya halatta dukkanin wani hukunci da aka aiwatar Kafin umarnin da kotu ta bayar, inda ya Kara da cewa gwamnatin Jihar Kano ta dawo da Sarki Sunusi Kafin fitar waccen doka.
You must be logged in to post a comment Login