Gwamnatin Katsina ta amince wa kananan hukumomi kashe miliyoyin kudi wajen gyara maƙabartu

Gwamnatin jihar Katsina ta amince da kashe Naira miliyan Ashirin ga ko wacce karamar hukuma a jihar domin gyaran maƙabartun yankinta.

Gwamnan jihar Mallam  Dikko Radda ya bayyana hakan ne a lokacin da ya karbi bakuncin Sarakunan gargajiya daga Masarautun Katsina da Daura.

A cewarsa a irin wannan lokaci na damuna da ake yawan samun lalacewar maƙabartu, akwai bukatar gwamnati tayi duba akan al’amarin, a wani bangare na ciyar da ilimin jihar gaba.