Gwamnatin tarayya ta ce ta biya kimanin fiye da dala biliyan 5 ga jihohin kasar nan a rarar Paris club

Gwamnatin tarayya ta ce ta biya kimanin dala biliyan 5 da miliyan dari hudu ga jihohin kasar nan a wani bangare na rarar Paris Club.

Minister kudi Zainab Ahmad ce ta tabbatar da baiwa gwamnonin kudin a yau Litinin a birnin tarayya Abuja.

Minstar ta ce adadin kudaden da aka baiwa jihohin idan aka juya su a kudaden Najeriya sun kai sama da tiriliyan daya da rabi, inda kuma ta ce an baiwa jihohin kudaden ne akan sharadi.

Wasu daga cikin sharudan sun hadar da, dole ne jihohi su biya albashi a karshen kowanne wata, kuma dole ne jihohi su biya kudaden da suka ara suka cike gibin kasafin kudi a shekarar 2016

Sauran sharuddan sun hadar da biyan Kason su ga hukumar ilimin bai daya ta kasa inda ita ma gwamnatin tarayya za ta bada nata kaso domin bunkasa bagaren ilimin firamare a kasar nan.