Harajin VAT: Gwamnonin kudancin ƙasar nan za su maka gwamnatin tarayya gaban kotu

Gwamnonin jihohin Kudancin Ƙasar nan sun yanke shawarar shigar da gwamnatin tarayya Ƙara kan harajin VAT.

Hakan na cikin wata sanarwa da ƙungiyar gwamnonin ta fitar a ranar Litini a garin Fatakwal ɗin jihar Rivers.

Sanarwar ta ce gwamnonin sun ce suna goyon bayan karɓar harajin VAT da wasu gwamnatocin jihohi a ƙasar nan.

Jihar Bayelsa, Ribas, Akwa Ibom, Cross River, Edo da Delta sun amince da karɓar harajin na VAT.

Al’amarin VAT dai yana tsakanin hukumar tattara haraji ta ƙasa (FIRS) da gwamnatin jihar Ribas ke ƙalubalanta.