Huɗuba: Zagin shugabanni ne ke ƙara jefa mu a matsin rayuwa – Dakta Abdullahi

Limamin masallacin juma’a na Umar Sa’id Tudunwada da ke Tukuntawa anan Kano Dakta Abdullahi Jibrin Ahmad ya ce, zagin shugabanni ne ke haifarwa ƙsar nan koma baya.

Dakta Abdullahi Jibrin Ahmad ya bayyana hakan a huɗubar sa ta sallar Juma’a.

Dakta Abdullahi ya ce “A wannan lokacin da ake cikin tsadar rayuwa ba wai yawan zagin shugabannine zai magance wannan matsalar ba illa al’umma su rinka addu’a da kuma hakuri”.

“A yanzu haka al’umma sun fi yawaita faɗar baƙaƙen maganganu a kan shuwagabanni ba wai neman zaɓi daga ubangiji ba, don haka ya kamata al’umma su koma ga Allah da kuma kyautata zato ga shugabanni” a cewar Dakta Abdullahi.

Dakta Abdullahi Jibrin Ahmad ya kuma ce dukkan masu haƙuri makomarsu na gobe alƙiyama domin ubangiji yayi albishir gare su.