Hukumar AIB ta gabatar da rahoto akan hadarin da ya faru na jirgin soji da ya yi sanadiyar mutuwar hafsat soja

Hukumar binciken hadurra ta kasa AIB ta gabatar da rahoton wucin gadi kan hadarin da ya faru na jirgin soji da ya yi sanadiyar mutuwar tsohon babban hafsan sojin kasar nan Laftanar Janar Ibrahim Attahiru.

Hakan na cikin sanarwar da ta fito daga ofishin jami’in yada labaran hukumar, Tunji Oketumbi, jiya a Legas.

Ta cikin sanarwar shugaban hukumar, Akin Olateru, ya ce hukumar ta mika rahoton wucin na gadi kan hadarin ga babban hafasan sojin saman kasar nan bayan kusan watanni uku na binciken.

Masu binciken sun lissafa matakai 27 da hanyoyin kariya guda 8 da za’a bi domin kiyaye afkuwar hakan a nan gaba.