Mutane 100 sun mutu sakamakon cutar kwalara a jihar Neja

Gwamnatin jihar Neja ta ce sama da mutane 100 ne suka mutu sakamakon barkewar cutar kwalara a kananan hukumomi 25 na jihar.

Kwamishinan Lafiya na jihar Dakta Muhammad Makunsidi ne ya tabbatar da hakan ga manema labarai ranar laraba a Minna.

Muhammad, ya ce daga watan apirilun da ya gabata zuwa yanzu ne aka samu wannan adadin.

Inda kuma ya gargadi mutanen da suka kamu da cutar da su karbi magani a cibiyoyin kula da lafiyar al’umma na yankunan su.