Hukumar shari’a ta Kano za ta kulla alaka da alkalai da lauyoyi don inganta aikinta

Hukumar shari’a ta Kano zata kulla alaka da alkalai da lauyoyi don inganta aikinta
Hukumar shari’a ta jihar Kano ta ce za ta gyara alakar ta da alkalai da lauyoyi da kuma jami’an ‘yan sanda, domin kara inganta aikin ta.
Mai Magana da yawun hukumar a nan Kano, Abdullahi Ado Bayero ne ya bayyana hakan yayin taron karawa juna sani na kwanaki biyar da hukumar ta shiryawa ma’aikatan ta da jami’an tsaro.
Taron dai anyi shi ne don kara kulla alakar aiki a tsakanin su, da ya gudana a garin Minjibir dake karamar hukumar.
Hukumar ta shari’a ta bukaci al’umma da su rinka zuwa kotunan da aka kafa domin samar da sulhu a tsakanin su, domin rage samar da cinkosan jama’a a gidan yari.