ICPC ta bai wa ɗan kwangilar haɗa sola a ƙaramar hukumar Fagge wa’adin mako biyu da ya kammala

Hukumar yaƙi da cin hanci da rashawa ta ICPC ta baiwa ɗan kwangilar da ke haɗa solar wuta a ƙaramar hukumar Fagge wa’adin sati 2 domin kammalawa.

Mataimakin babban Sufurtanda mai bincike a hukumar,Bukar Galadima ne ya bayyana hakan ga Freedom Radio.

Ya ƙara da cewa da dama daga cikin solar da aka sanya a kan titunan ba a gama kammala su ba,a don haka suka baiwa ɗan kwangilar wa’adin kammalawa.

Galadima ya ce idan ɗan kwangilar ya kammala gyaran na sa zai kawo bayanai hukumar ta su domin tabbatar da kyawun aikin.