Ighalo ya zura kwallo a wasan da AL Hilal ta doke AL Jazira da ci 6-1

Dan wasan gaba na kungiyar kwallon kafa ta AL Hilal Odian Ighalo ya yi nasarar zura kwallo a wasan da sukai nasara da ci 6-1 a kan Abu Dhabi a wasan gasar kasashen kungiyoyin duniya na FIFA Club World Cup.

Wasan dai ya gudana a ranar Lahadi 06 ga Fabrairun 2022 da muke ciki, wanda hakan ya baiwa kungiyar damar buga wasan kusa da karshe da Chelsea.

Odian Ighalo dai shi ne ya fara zura kwallon farko a minti na 14 bayan samun taimakon Abdoulay Diaby.

Tawagar Al Jazira dai itace ta lashe gasar kwararru ta UAE ta hadaddiyar daular larabawa ta kakar wasannin shekarar 2020/2021.

Zuwa yanzu dai kungiyar kwallon kafa ta Al Hilal zata kece raini da zakarun gasar kofin nahiyar turai Chelsea a zagaye na hudu a ranar Laraba mai zuwa.

Yayinda AL Jazira zata fafata da Monterrey a neman gurbin mataki na biyar a gasar da ake gudanarwa a kasar Dubai.

Gasar dai ta shekarar 2021 itace karo na 18 wadda ta kunshi kungiyoyin kasashen nahiyoyin duniya shida da suke fafatawa a wasanni daban-daban.