Immigration : Ta kafa kwamitin kwararru na yaki da masu fasa kwauri

Shugaban hukumar yaki da fasa kauri ta kasa, Muhammad Babandede ya kafa wani kwamitin kwararru da zai yi yaki da masu fasakwauri a kasar nan.

Hakan na cikin sanarwar da mai magana da yawun hukumar Mr Sunday James ya fitar a yau.

Sanarwar ta bayyana cewa an bai wa kwamitin damar ziyartar jihohin kasar nan don tabbatar da sun dakile laifukan masu fasakwauri.

Sanarwar ta kara da cewa, hukumar ta bunkasa ayyukanta ta hanyar ci gaba da yiwa masu tafiye-tafiye fasfo na E-migrant don tattara bayanan wadanda ke shige da fice a kasar nan.

Muhammad Babandede, ta cikin sanarwar, ya kuma ce, hakan zai taimakawa jami’an tsaro wajen kare rayuka da dukiyoyin al’ummar kasar nan.