Ina kan kudiri-na, na fitar da ‘yan Najeriya miliyan 100 daga kangin talauci – Buhari

Gwamnatin tarayya ta kara jaddada matsayinta na fitar da ‘yan Najeriya akalla miliyan 100 daga kangin talauci nan da ‘yan shekaru masu zuwa.

A cewar gwamnatin, daya daga cikin manufofin da ta bullo da su don cimma kudirinta shine, kaddamar da shirin bunkasa makamashin gas (National Gas Expansion Program).

Karamin ministan man fetur Chief Timipre Sylva ne ya bayyana haka lokacin da ya ke jagorantar bikin bude taron tuntuba kan shirin bunkasa makamashin Gas a jihar Imo.

Ya ce shiriin zai samarwa miliyoyin ‘yan Najeriya aikin yi musamman matasa, wadadan za a basu horo na musamman yadda za su dogara da kansu.

A cewar ministan tun farko shugaba Buhari ya sanya shirin cikin tsarinsa na kakkabe talauci tsakanin al’ummar kasar nan kafin nan zuwa shekarun 2030.