Ina makomar Cristiano bayan ficewar Juventus daga Champions league?

Cristiano Ronaldo da kungiyarsa ta Juventus sun gaza kai bantensu a gasar zakarun turai (Champions League), duk kuwa da nasarar da kungiyar ta samu akan takwararta ta FC Porto da ci uku da biyu a wasan zagaye na kungiyoyi 16 da aka gudanar a filin wasa na Estadio Della Appi da ke birnin Turin a daren jiya talata.

Zura kwallaye har sau biyu a bugun tazara da dan wasa Sergio Oliveira ya yi, ya bai wa FC Porto damar tsallakawa zuwa zagayen daf da kusa da na karshe (quarter final).

A wasan farko da aka gudanar a kasar Portugal kungiyar FC Porto ta samu nasara da ci biyu da daya yayin da a daren jiya Juventus ta samu nasara da ci uku da biyu, sai dai duk da haka FC Porto ce ta tsallaka zagaye na gaba sakamakon samun samar zura kwallaye biyu a ragar Juventus a gidanta.