INEC: ba zata amince da shaida ko daya a kotun sauraron zaben shugaban kasa

Hukumar zabe mai zaman kanta ta kasa INEC  ta ce ba za ta gayyaci shaida ko daya ba don kare ta a kotun sauraron korafe-korafen zaben shugaban kasa da ya gabata, wanda PDP da dan takararta Atiku Abubakar ke kalubalantar sakamakon.

PDP da Atiku Abubakar suna kalubalantar sakamakon zaben shugaban da aka gudanar ranar 23 ga watan Fabarairun da ya gabata, wanda INEC ta ayyana shugaba Muhammadu Buhari a matsayin wanda ya lashe.

PDP da Atiku Abubakar sun gabatar da shaidu guda 62.

Alkalin Kotun Justice Muhammad Garba ya bad a umarnin ci gaba da sauraron karar a yau Litinin, to amma Lauyan Buhari da APC Wole Olanipekun ya roki kotun ta ba shi damar gabatar da jawabi a gobe talata da karfe 2 na rana.