INEC ta dakatar da sabunta rajistar zabe

Hukumar zaɓe  mai zaman kanta ta kasa INEC ta umarci duka kwamishinoninta da su dakatar da shirin sabunta rijistar zaɓe.

A makon jiya ne hukumat INEC ta fitar da sanarwar za a sabuntawa masu zaɓe rijista cikin kwanaki 45, a wani mataki na shirye-shiryen tun karar zaɓen 2027.

Sabunta katin zai shafi mutanen da suka yi rijinsta ne tsakanin 2011 zuwa 2024.

Wata sanarwa da sakatariyar INEC Rose Oriaran-Anthony ta fitar ta ce, an dakatar da shirin tare da umartar duka kwamishinoninta da su dakata har sai zuwa ranar Alhamis 9 ga watan Afrilun da muke ciki inda za su gudanar da taronsu ta intanet domin sanin mataki na gaba.