INEC ta sanya ranar zaben cike gurbi na dan majalisar tarayya ta GWARAM a jihar Jigawa

Hukumar zabe mai zaman kanta ta kasa INEC ta sanya ranar 19 ga watan Yuni mai kamawa domin gudanar da zaben cike gurbi nan a mazabar majalisar tarayya ta Gwaram da ke Jihar Jigawa.

Kwamishina a hukumar kuma shugaban kwamitin wayar da kan jama’a na hukumar Festus Okoye ya tabbatar da hakan yau ta cikin wata sanarwa da ya fitar.

Mr Okoye ya ce za a gudanar da zaben sakamakon rasuwar mai rike da kujerar marigayi Alhaji Yuguda Hassan Kila a ranar 4 ga watan Maris din da ya gabata, bayan da shugaban majalisar Femi Gbajabiamila ya ayyana kujerar da cewa babu kowa a kanta.