Inganta muhalli: Za mu samar da hukumar kula sauyin yanayi – Dakta Getso

Gwamnatin jihar Kano ta ce, za ta samar da hukumar kula sauyin yanayi a jihar.

Kwamishinan muhalli, Dr. Kabiru Ibrahim Getso ne ya bayyana hakan yayin da yake jawabi ga kungiyoyin da ke fafutukar kare muhalli a karkashin haɗakar kungiyoyi masu zaman kan su, da ke wayar da kai ga me da sauyin yanayi.

Dakta Getso ya ce matular aka samar da hukumar za ta mayar da hankali kan magance abubuwan da suke haifar da sauyin yanayi, da kuma kawo ƙarshen ayyukan sare bishiyoyi, da zaizayar ƙasa da sauran matsalolin da ƙasa ke fuskanta.

Tsaftar muhalli: An rufe kamfanin ɗura iskar gas a Challawa

Kwamishinan ya ce “ma’aikatar muhalli tana kan aiwatar da dokar kula da sauyin yanayi da ta gandun daji wadda ke gaban Kwamishinan shari’a kuma da zarar ya sanya hannu za a miƙa ta gaban majalisar dokoki domin sahalewa”.

Getso ya yabawa haɗakar ƙungiyoyin bisa jajircewar su wajen ganin an inganta muhalli.