JAMB: ta kammala shirin fara sayar da form na 2021

Hukumar shirya jarabawar JAMB, ta sanar da kammala shirye-shiryen siyar da form din jarrabawar tantance shiga manyan makarantun gaba da sakandire, na UTME da DE, na shekarar 2021/2022.

A wata sanarwa da hukumar ta fitar a mujallar ta, ta mako mako yau Litinin 15 ga watan Maris a Abuja, hukumar ta ce siyar da form din da kuma gudanar da jarrabawar ba zai wuce zuwa 24 ga watan Maris din da muke ciki.

Hukumar ta JAMB, ta ce tsaikon da aka samu na gudanar da jarrabawar a bana, ya samo asali ne saboda Annobar Corona, data tsayar da al’amurra da dama a fadin kasar nan da ma Duniya baki daya.

Hukumar ta kuma tabbatar da cewa za ta kammala shirye shirye akan lokaci don ganin ba a samu koma baya ko tsaiko da zai shafi dumbin daliban kasar nan dake da niyyar yin Jarrabawar a Bana.