Majalisar tarayya na dab da amincewa da dokar shaidar samun Digiri ga ‘yan takarar gwamna

Rahotanni sun tabbatar da cewar ‘yan majalisun tarraya na dab da amincewa da dokar shaidar samun Digiri ko babbar Difloma ta HND, zama tilas ga duk masu neman takarar zama gwamnonin jihohi da shugabancin kasar nan.

Haka zalika ‘yan Majalisar, na shirin yin doka da za ta yi kwaskwarima ga ayyukan gwamnatocin da suka dangancin Wutar Lantarki, Ruwan sha, Hanyoyi da kuma makarantu, wanda al’umma zasu iya maka gwamnatocin a kotu da zarar basu aiwatar da ayyukan ba.

Kudirin in har ya samu karbuwa da kuma aiwatar dashi zai kawo kwaskwarima ga wani sashen na kundin tsarin mulkin kasar nan na shekarar 1999.