Jami’ar Bayero ta Kano ta karyata jita-jitar Karin kudin makaranta ga dalibai

Hukumar gudanarwar Jami’ar Bayero dake Kano ta musanta labarin da ake yadawa na cewa ta kara kudin makaranta ga daliban dake karatu a cikin da wadanda ke Shirin shiga makarantar.
Mai magana da yawun Jami’ar Lamara Garba ne ya bayyana hakan ta cikin wani sakon murya da ya aikowa Freedom Radio a daren jiya Litinin.

Lamar Garba ya ce ‘wannan labari da ake yadawa jita-jitar ne kawai wasu ke yadawa, Wanda bashi da tushe.

Ta cikin sakon ya kuma bukaci iyayen dalibai da sauran masu ruwa da tsaki da su kwantar da hankulan su,  ‘har yanzu jami’ar bata gama tsayar da matsaya ba kan batun kudin makarantar, dama yadda daliban su biya a bana.

Danna alamar sauti domin domin Jin Karin bayanai.

Rahoto: Abdulkadir Yusuf Gwarzo