Jam’iyyar APC ta naɗa Jamila Mai Wuƙa muƙamin SA

Ofishin shugabar Matan Jam’iyyar APC ta ƙasa Mrs Mary ta nada Jamila Ado Mai Wuƙa a matsayin mashawarciya kan harkokin yaɗa labarai a yankin Arewa.

Hakan na ƙunshe ne ta cikin wata sanarwa da Sakataren Ofishin shugabar Matan APC ta ƙasa Olugbenga Pius, ya fitar.

Sanarwar ta ruwaito cewa, naɗin ya zo a matsayin shaida ƙarara na ƙwazon aiki da jajircewar Jamila.

A cewar sanarwar, ƙwazon nata zai yi amfani matuƙa ga ofishin shugabar mata a jam’iyyar APC ta ƙasa.

Ofishin ya taya Jamila Ado maiwuka murnar samun wannan sabon ofishi a matsayin mashawarciya kan harkokin yada labarai SA a ofishin shugabar mata ta jam’iyyar APC ta kasa Mrs Mary Alile.

Sanarwar ta bukaci SA ta ci gaba da jajircewa wajen ganin an samar da ci gaba a jam’iyyar APC.

A cikin sanarwar ta yi Addu’a kan Allah ya ba su ƙarfi da basira don gudanar da ayyukan su a wannan ofishi.

Har zuwa naɗin nata, Jamila Ado Mai Wuƙa ta kasance ma’aikaciya a tashar Freedom Radio Kano.