Shugaban Majalisar Wakilai Tajudeen Abbas ya bayyana sauye-sauyen da shugaba Tinubu ya samar

Shugaban  Majalisar Wakilan Najeriya Tajudeen Abbas, ya bayyana irin sauye-sauyen da Shugaba Bola Tinubu, ya samar domin ci gaban al’umma tun bayan lokacin da aka rantsar da shi a matsayin shugaba.

Tajudeen Abbas, ya bayyana hakan ne a birnin Lagos a lokacin da ya ke gabatar da motoci ga wasu sarakunan gargajiya a yankin kudanci.

Haka kuma, ya ce, sauye-sauyen sun yi tsauri, amma yin hakan ya zama dole domin ci gaban Najeriya.

Tajudeen Abbas ya ce, sauye-sauyen sun samar da daidaituwar farashin canji kudaden waje da bunkasa harkar noma da samar da hanyoyin kudaden shiga ga jihohi.