Karin Farashi : Buhari ya kara wa’adin mako guda

Gwamnatin tarayya ta kara wa’adin dakatar da sabon farashin kudin wuta da akalla mako guda.

Shugaban hukumar kula da harkokin wutar lantarki ta kasa Farfesa James Momoh ne ya bayyana haka, bayan kammala taro da gamayyar kungiyoyin kwadagon kasar nan da safiyar yau a Abuja.

Tun farko dai gwamnatin ta dakatar da sabon farashin kudin wutar lantarkin ne na makwanni biyu wanda wa’adin yazo karshe a daren jiya Lahadi goma sha daya ga watan da muke ciki.

Ya ce kara wa’adin dakatar da karin farashin kudin wutar lantarkin zai taimaka gaya wajen bai wa hukumar da ‘yan kwadago damar nazartar hanyoyin da za a bi kafin fara amfani da shi.