Ta’addanci : ‘yan bindiga sun hallaka mutane 9 a Kaduna

Wasu da ake zargin ‘yan bindiga ne sun hallaka mutane tara a kauyen Kadai a karamar hukumar Giwa, a wanni kadan bayan da suka kai wani maakamancin wannan hari a garin Kidandan inda suka hallaka mutane shida.

Rahotanni sun bayyana cewa wadanda ake zargin sun shiga kauyen da misalin karfe tara na safe, inda suka fara harbin kan mai uwa da wabi.

Mai magana da yawun rundunar ‘yansanda a jihar ta Kaduna ASP Muhammad Jalige ne ya tabbatar da hakan ga manema labarai, ta cikin wata sanarwar da ya fitar.

Ta cikin sanarwar Muhammad Jalige ya ce, gwamnan jihar Kaduna Malam Nasiru El’rufa’I, ya mika sakon jaje ga mazauna Kauyukan da lamarin ya faru.