Connect with us

Kimiyya

KASSOSA: zamu hada hannu da gwamnati wajen yin garambawul a bangaren ilmin kimiyya.

Published

on

Shugaban kungiyar tsoffin daliban kwalejin Kimiyya ta Dawakin Tofa aji na 1990 Inijiniya Abubakar Ibrahim Khalil ya ja hankalin gwamnatin jihar Kano wajen magance matsalolin da suka dabai-baye sha’anin karatun kimiyya.

Injiniya Abubakar Ibrahim Khalil ya bayyana hakan ne yayin taron Sallah karama da kungiyar ta gabatar a dakin taro dake asibitin Aminu koyarwa na Aminu Kano.

A cewar sa akwai bukatar mayar da hankali sosai a bangaren ilmin kimiyya, saboda koma bayan da ake fama da shi a bangaren yayin da duniya a halin yanzu tafi karfi a bangaren na kimiyya.

Da yake jawabi, shugaban kwamitin kula da marayu da walwala na kungiyar Malam Kabir Dalha Kabir ya bayyana bukatar dake da akwai wajen yin gidauniyyar tallafawa marasa karfi a wani mataki na jan sauran al’umma a jika.

A yayin taron kungiyar tsoffin daliban kwalejin kimiyya ta Dawakin Tofa aji na 1990, sun karrama daya daga cikin mamban su daya samu matakin karatu na Farfesa a sashen nazarin Injiniya dake jami’ar Bayero anan Kano Farfesa Ibrahim Abdullahi Panshekara.

 

Kimiyya

Za’a fara amfani da fasahar zamani don inganta noma- AATF

Published

on

Shugaban kungiyar harkokin noma ta Afirka AAFT Dr Issuofou Kollo Abdourhamane ya ja hankalin kasashen Afirka wajen yin maraba da sabbin hanyoyin fasaha a matsayin wata hanya da za’a magance matsalolin karancin abinci da ke tunkarar nahiyar Afirka.

 

Dr Abdourhamane ya bayyana haka ne a yayin taron karawa juna sani na yan jaridu mai taken South west Agroecological ‘ da aka gudanar a jamiyar Obafemi Awolowo.

 

Ya ce  wannan wani cigaba ne da ake samu ta hanyar fasaha, na samar da muhalli mai ingance ba tare da an gurbata shi ba.

 

Afirka zata iya samar da tsaftaccen abinci tare da magance matsala ta fari da yunwa da ka iya faruwa muddin ba’a samar da hanyar inganta samar da abinci ba.

 

Yana mai bayyana nau’ikan abincin da ka iya karanci a nahiyar Afirka sakamakon gurbatar yanayi ta hanyar wasu sinadaran da ke kashe albarkar kasa , ko magungunan kwari da wasu kamfanoni ke fitarwa ga muhalli.

 

A yanzu haka dai nahiyar Afirka musammam kasashen  ke da sahara na gab da fuskantar rashin isasshen abinci.

 

Ya ce rahoton hukumar lafiya ta duniya WHO  ta ce akalla kimanin fiye da yara miliyan 8 ne ke fama da yunwa , wanda adadinsu ya kai kimanin kaso 48 cikin dari dari na adadin lafiyayyun yara da ake da su a nahiyar Afirka a wannan karni.

 

Dr Issouffou ya ce amfani da fasaha ne kadai zai magance matsalolin da zasu magance fari da yunwa wanda kungiyar AATF ke aiki tukuru akan ta.

 

Ya kara da cewa tun da suka fara ayyuka a fannin cigaba na samar da abinci a Najeriya sun samar da ingantaccen irin rogo wanda ya taimakawa manoma samar da rogo na kimanin fiye da tan 32 a shekarun da suka gabata.

 

A yanzu haka suna kan aiki akan sarrafa noman shinkafa da inganta irin waken da kwari basa ci.

 

 

Da yake jawabi shugaban jami’ar ta Obafemi Owolowo farfesa Eyitope Ogungbenro Ogunbodede ya ce taron ya zo a lokacin da ake bukata, domin gwamnati na yunkurin tabbatar da abinci ya wadata a kasa baki daya

 

A hannu guda kuma gwamnati na kokarin samar da  hanyar kudaden shiga.

 

Ya ce Najeriya na da adadin alumma da suka kai fiye da miliyan 170 , hakan ce ta sa samar da abinci ke da muhimmanci .

 

Ko a maganar da ake yi nan ba da jimawa ba gwmanatin tarayya tana dab da sayar da irin waken da kwari basa ci.

Continue Reading

Kasuwanci

An fara kera Fensir a Najeriya

Published

on

Wani kamfani a nan  gida Najeriya ya fara kera fensira ta hanyar amfani da tsaffin jaridu .

 

Ministan kimiyya da fasaha Dr. Ogbonnaya Onu ne ya bayyawa cewar kamfanin zai fara samar da akalla pensira fiye da miliyan biyu a duk shekara wanda ya fi karfin amfani birane da yankuna kadai.

 

Da yake Magana jiya a Abuja yayin da ya karbi bakuncin gangun wani kamfanin da ke samar da pensira na Bamib ya ce’ mun yaba da yadda kake gudanar da ayyukanka na cigaban kasa.

 

Ya ce a wata ziyara da suka kai wani kamfanin samar da fensira a jiha Enugu , ‘mun tarar da su suna gudanar da bincike akan fensira, abin takaici ne sakamakon kasar nan bata da wani kamfani da ke samar da fensira a Najeriya .

 

A da akwai wasu kamfanunuwa da suke sarrafa fensira amma dukkaninsu sun dakushe a yanzu, hakan ce ta sa a matsayina na ministan kimiyya da fasaha na ga dacewar sarrafa shi a Najeriya duba da yadda daliban mu na firamare da ma wasu yan sakandare da ke amfani da fensir.

 

Minister Onu ya ce a ganinsa fensir ba wani a zo a gani ba, ya kuma zama wajibi a ce Najeriya tana samar da fensiran da take amfani da su.

 

Ya ce mun basu shekara biyu domin samar da adadin fensiran da ake bukata, yana mai cewa samar da fensiran ya dauki hankali na, domin kuwa duk kayayyakin da ake kera fensiran muna da shi a Najeriya, hakan dai zai samar da ayyukan yi ga matasa

 

Ministan ya ce kawo yanzu an samu cigaba domin zasu tabbatar da cewar an samar da dukkanin kayayyakin a nan gida Najeriya, tare da cewar tuni gwamnatin Akwa Ibom suka fara kira fensira wanda wannan wani cigaba ne.

Continue Reading

Kimiyya

Yadda iPhone 11 ta yamutsa hazo a soshiyal midiya

Published

on

Yadda iPhone 11 ta yamutsa hazo a soshiyal midiya

A ranar 10 ga watan Satumban da muke ciki ne kamfanin sarrafa na’urorin sadarwa na zamani wato Apple ya kaddamar da sabbin kayayyaki, ciki harda wayoyin iPhone 11, iPhone II Pro da kuma Pro Max, wato dai zafafan wayoyi guda uku daga kamfanin.

Wadannan wayoyi dai sun kunshi wasu abubuwa na musamman wadanda suka yiwa sauran wayoyi zarra, an gina kwakwalwar iPhone 11 akan A13 Bionic, a bangaren karfin ma’ajiyar bayanai kuwa wato Memory ta fara daga 64GB, 256GB, da kuma 512GB.

A bangaren kyamara (camera) kuwa iPhone 11 tana da girman 12PM + 12PM, baki dayan kyamarar wayar kuwa iPhone 11 tazo da kyamara guda biyu (2) yayin da iPhone 11 Pro da Pro Max suka zo da kyamara guda uku, wadannan wayoyi dai sune kan gaba wajen karfin kyamara a halin yanzu a duniya.

Game da girman jikin kuwa wayoyin sun kai inci 5.94 x 2.98 x 0.33, babu maganar rashin rike caji domin kuwa an yiwa wadannan wayoyi kyaky-kyawan shiri wajen rike caji na tsawon lokaci.

Akwai wayoyin iPhone 11 kaloli da dama wadanda suka hadar da Fara, Baka, Ruwan Dorawa, Koriya, Ja da kuma Ruwan Hoda.

A ranar 20 ga watan Satumban da muke ciki ne dai aka fara sayar da iPhone 11 akan kudi dalar Amurka $3600 wanda ya kama N252, 000 a kudin mu na nan gida Najeriya.

An kafa kamfanin Apple ne a watan Afrilu na shekarar 1987, a birnin California na kasar Amurka, a yanzu dai yana daya daga cikin manyan kamfanonin kere-keren fasahar zamani dake jan zare a duniya.

 

A nan gida Najeriya wayar iPhone ta zamo wata abar alfahari ga al’umma, musamman matasa wanda kowa ke ribibi wajen ganin ya mallaki waya kirar kamfanin, hakan ne ya sanya labarin kaddamar da iPhone 11 ya zamo jigon tattaunawa a shafukan sada zumunta, inda matasa suka dinga wallafa bayanai kala-kala akan wannan wayar, hakan yasa muka leka dandalin sada zumunta na Twitter da kuma Facebook inda muka dauko muku wasa daga tattaunawar da matasan keyi.



Ku bayyana mana ra’ayoyin ku dangane da iPhone 11.

 

Basheer Sharfadi

23rd, September, 2019.

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,535 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!