Kotu ta dakatar da hukumar tattara haraji a Najeriya daga karɓar harajin VAT

Hukumar tattara kuɗaɗen haraji ta Najeria (FIRS) ta ɗaukaka ɗara kan hukuncin da babbar kotun tarayya dake garin Fatakwal a jihar Rivers ta yanke kan karɓar harajin sayan kayayyaki na (VAT).

Daraktan sadarwa tare da hulɗa da jama’a na hukumar, Abdullahi Isma’ila Ahmad ne ya bayyana hakan ta cikin wata sanarwa da ya fitar.

Sanarwar ta ce hukumar ta nemi a dakatar da aiwatar da hukuncin, har sai kotu ta saurari ƙarar da ta ɗaukaka.

Haka zalika hukumar ta shawarci al’umma da su ci gaba da biyan kuɗaden harajin har sai kotun ɗaukaka ƙarar ta warware lamarin.