kotu ta sanya ranar cigaba da sauraron karar da masu nada sarki a kano suka shigar

Babbar kotun jihar Kano ta saka ranar sha bakwai ga watan Disemba domin cigaba da sauraran karar da masu nada sarki a masarautar kano suka shigar da kara suna kalubalantar gwamna Abdullahi Umar Ganduje tare da wasu mutane bakwai akan kirkiro sababin masarautu hudu da akayi.

Rahotanni sun nuna cewa wadanda suka shigar da karar sun hada da Alhaji Yusuf Nabahani madakin Kano, Alhaji Abdullhi Sarki Ibrahim Makaman Kano da Bello Abubakar Sarkin Dawaki mai Tuta da Alhaji Mukhtar Adnan Sarkin Ban Kano.

Masu nada Sarkin na Kano suna bukatar babbar kotun da ta umarci Gwamnan na Kano da a bar masarautar Kano yadda take.