Kotun Ƙoli ta tabbatar da Hanga a matsayin dan takarar Sanatan Kano ta tsakiya

Kotun Ƙolin Nijeriya, da ke birnin tarayya Abuja, ta tabbatar da Sanata Rufa’i Sani Hanga a matsayin dan takarar kujerar Sanatan Kano ta tsakiya a jam’iyyar NNPP, maimakon Sanata Malam Ibrahim Shekarau da hukumar zabe ta bayyana a baya.

Kotun karkashin jagorancin mai shari’a Uwani Abba Aji, ta tabbatar da hukuncin ne a yau Juma’a, inda ta ayyana Sanata Rufa’i Sani Hanga a matsayin wanda jam’iyyarsa ta NNPP ta tsayar a zaben Sanatan Kano ta tsakiya.

Da ya ke yin karin bayani jim kadan bayan hukuncin kotun, lauyan jam’iyyar NNPP Barista Bashir Tudun Wuzirci ya yi karin haske kan yadda hukuncin ya kasance.

Danna alamar Play domin jin sautin muryarsa.