Alarammomin tsangaya sun koka kan rashin ganin Malaman da gwamnatin Kano ta aika musu

Kungiyar Alarammomin tsangaya sun koka kan rashin ganin Malaman da gwamnatin Kano ta tura makarantun tsangaya dan koyar da Almajirai ilimin Zamani.

A cewar Malaman tsangayar malaman da aka turo sun  daina zuwa makarantun  ba tare da sanar dasu dalilin yin hakan ba.

Tsarin wanda gwamnatin ta  dauki malaman sakai 600 tare da biyan su alawus dan koyawa yara almajrai ilimin lissafi da turanci a wasu makarantu  fiye da 300 a kanan hukumi 44 na jihar Kano.

Sai dai  Malaman tsangayar sunce tun bayan fara wannan shiri malaman da gwamnatin ta tura suka dai na zuwa mafi yawan makarantun da aka tura su.

Alaramma malam Yusuf Wanda aka fi sani da malam babba guda ne daga cikin malaman tsangaya a nan Kano ya ce daliban nasa sun fara gane darasin da aka fara koya musu kwatsam sai  malamin ya daina zuwa.

A  shekarar 2019 ne gwamnatin Kano  ta bullo da shirin  shigar da Almajirai na Tsangaya tsarin Karatun , mai taken integrated system of almajiri education a wani mataki na inganta tsarin harkar makarantun tsangaya.