Kungiyar askarawan jihar Zamfara sun halaka wani kasurgumin ɗan bindiga Kacalla Isuhu Buzu

Kungiyar askarawan jihar Zamfara sun samu nasarar halaka wani kasurgumin ɗan bindiga, mai suna Kacalla Isuhu Buzu, a garin Kaya da ke karamar hukumar Maradun.

Rahotanni sun bayyana cewa an kashe dan bindigar ne a yayin wani samame na tsaro, a wani mataki da ake ganin zai taimaka wajen rage ayyukan ta’addanci da fashi da makami a yankin.

Hukumomin tsaro sun jaddada kudirin su na ci gaba da karfafa yaki da ’yan bindiga, tare da kare rayuka da dukiyoyin al’ummar jihar.