Kungiyar Da’ira ta tallafawa marasa lafiya a Kano

Da’iratul Banatul-Musdafa ta yi kira ga mawadata da su zage damtse wajen taimakawa mabukata musamman a wannan lokaci da ake cikin matsin rayuwa.

Shugabar Da’irar Malama Fiddausi Ishaq Lawal Binta ce ta bayyana hakan lokacin da suke rabon tallafi ga marasa lafiya na asibitin Murtala Muhmammad a yau.

Ta ce, koyarwa ce ta Manzon Allah S.A.W tausayawa mabukaci da mai rauni tare da bashi tallafi a duk lokacin da yake bukatar sa.

Wasu daga cikin marasa lafiya da suka sami tallafin sun bayyanna farin cikin su inda suka ce sun dade suna jinya a asibitin ga yanayin rayuwa do haka sun yi matukar farin ciki da samun sa a wannan lokaci

Wakiliyar Mu Madina Shehu Hausawa ta raawaito cewa Da’irar ta rarrabawa marasa lafiya a bangaren ‘yan karaya da babban daki na mata sabulun wanka dana wanki da omo har ma da sitturu da sauran kayan tallafin jinya.