Kungiyar dattawan Arewa ta nemi Buhari ya sauya manyan jami’an tsaro

Kungiyar hadakar dattawan Arewa maso gabashin kasar nan sun bukaci shugaban kasa Muhammadu Buhari da ya dauki matakin sauya shugabannin tsaron kasar nan.

Wannan na cikin wata sanarwar da shugaban kungiyar Zanna Goni ya fitar, kan matsalar tsaro dake ci gaba da yin kamari musamman a wasu sassan jihohin kasar nan.

Zanna Goni ta cikin sanarwar na cewa ya ce bai kyautu matsalar ta ci gaba da fadada ba karkashin jagorancin na su.

Sanarwar ta kara da cewa ya zama wajibi shugaba Buhari ya saurari muryoyin dimbin al’ummar Najeriya kan matsalar da take ci gaba da yin barazana da zaman lafiyar su.