Kungiyar kwadago ta Nigeriya NLC da TUC sun janye kudirinsu na tafiya yajin aiki

Ƙungiyar ƙwadago ta kasa NLC da ta TUC sun dakatar da ƙudurinsu na tsunduma yajin aiki daga yau Laraba, da suka shirya shiga sakamakon ƙarancin takardun kuɗi da ake fuskanta a kasar nan.

Shugaban kungiyar ta NLC, Joe Ajaero da takwaransa na TUC, Festus Osifo ne suka bayyana hakan, a taron da suka gudanar da yammacin jiya Talata a Abuja.

Ƙungiyoyin biyu sun ce ‘za su sa ido tare da bibiya domin tabbatar da ganin CBN, ya ci gaba da samar da takardun kuɗin ga bankunan kasuwanci don sauƙaƙa wahalhalun jama’a.

Rahoton: Ahmad Kabo Idris