Kungiyar lauyoyi ta shirya gudanar da taron gaggawa kan dakatar da babban jojin kasar nan

Kungiyar Lauyoyi ta kasa NBA ta shirya gudanar da taron gaggawa da majalisar zartarwar kungiyar kan dakatar da babban joji na kasa Walter Onnoghen.

Wannan bayanin na kunshe cikin sanarwar da babban sakataren kungiyar Jonathan Gunu Taidi ya fitar cewa majalisar zxartarwar kungiyar ne kawai za su halacci taron, don tattaunawa kan dakatar da babban jojin na kasa.

Kungiyar Lauyoyi ta kara da cewar, zata gudanar da taron ne a dakin taro na kungiyar dake babban birnin Tarayya Abuja da misalin karfe 12 na rana.

Daga cikin wadanda za su halacci taron akwai tsofafin shugabanin kungiyar da tsofafin manyan sakatarorin kungiyar ta NBA da kuma shugabanin kungiyar a matakan jihohin.