Kwamishinan muhalli ya ja kunne hukumomin asibiti kan tsabtar muhallinsu

Gwamnatin jihar Kano ta gargadi hukumomin asibitin Sir Sunusi sakamakon halin rashin tsafta da suka nuna a wasu sassan asibitin.

Kwamishinan muhalli Nasiru Sule Garo ne yayi gargadin lokacin da ya kai ziyarar duban tsaftar muhalli asibitin a yau.

Wanda ya ce, abin takaici ne yadda ake zubar da sharar allurai da magunguna a cikin asibitin wanda hakan ke barazana ga lafiyar al’umma.

Da yake karin bayani kan yadda ya samu hukumar KNARDA da KNUPDA, Nasiru Sule Garo ya bukaci su da su dauki matakan kula da banɗakunan su da kuma kawar da shara a hukumomin.

Freedom Radio ta tawaito cewa, ma’aikatar muhalli ta bukaci unguwanni da za su yi aikin gayya a gobe da su sanar da ita don ba su kayan aiki da kuma kwashe dattin a kan lokaci.

Rahoton: Madeena Shehu Hausawa