Kwamitin yaki da cutar COVID-19 zai fallasa sunayen wadanda sukayi biris da dokar killace kai a Najeriya

Kwamitin dake yaki da cutar COVID 19 ya ce zai fallasa sunayen mutane casa’in da suka dawo daga kasashen waje kuma suka ki bin dokokin killace kai domin gujewa sake barkewar cutar a fadin kasar nan.

Shugaban kwamitin kuma sakataren gwamnatin tarayya Boss Mustapha ne ya bayyana hakan yayin zatanwa da manema labarai.

A cewar Boss Mustapha mutanan sun dawo ne daga kasahen Turkiya da Indiya da Birazil tsakanin ranakun 8 zuwa 15 ga wannan watan da muke ciki.

Ya kara da cewa wanda sukaki amincewa su killace kawunan nasu da kuma kin amincewa anyi musu gwaji sun sauka ne a filayen jirgin saman Murtala Muhammad dake Lagos sai kuma filin jirgin sama na Nnamdi azikwiwema dake birin tarayya Abuja.