Kwastam za ta fara shiga kasuwanni da wuraren ajiye kaya domin kwato shinkafar kasar waje

Babban jami’in hukumar yaki da fasakwauri ta kasa Kwastam mai kula da shiyya ta biyu wato zone B Albashir Hamisu ne ya bayyana hakan a wata tattaunawa da Jaridar Daily Trust.

“Ba za mu iya kawo karshen fasakwaurin shinkafa zuwa cikin kasar nan kwata kwata ba, amma muna iya kokarinmu wajen dakile safarar shinkafar” in ji Albashir Hamisu.

“Kuma mun kammala shiri tsaf don fara kai samame cikin kasuwanni da manyan wuraren ajiyar kayayyaki wato warehouses don kwato shinkafar kasar waje da aka shigo da ita kasar nan da ma sauran kayayyakin da aka haramta shigo da su Najeriya” a cewar Albashir Hamisu.