LMC za ta wayar da kan kungiyoyi a kan lasisi

Kamfanin shirya gasar League ta kasa, LMC ya shirya wayar da kan kungiyoyin gasar cin kofin kwararru ta kasa dangane da tattara bayanan neman lisisi.

Za dai su fara tattaunawar ne ta kafar sadarwa daga ranar 10 zuwa 18 ga wannan watan na Satumba da muke ciki.

Kamfanin na LMC ya bukaci daukacin kungiyoyin cikin gida da su kawo takardun neman lasisin wanda ya zama dole ga kungiyoyin dake bukatar shiga gasar cin kofin kwararru ta kasa a kakar wasanni ta 2020/2021.

Hakan ya biyo bayan sababbin dokoki da tsare-tsaren hukumar kwallon kafa ta kasa NFF tare da hadin kan hukumar kwallon kafa ta Afrika ta fara yi wa kowace kungiyar kwallon kafa rijistar lasisi.

Gudanar da rijistar lasisin da za’a fara ranar 18 ga wannan watan, zai taimakawa kungiyoyin gaya ta fannoni daban-daban a harkokin wasanni a fadin kasar nan.