Connect with us

Labarai

Majalisar Dattawa ta bukaci gwamnatin tarayya ta binciko mayakan Boko-haram da suka tsere daga dajin Sambisa

Published

on

Majalisar Dattawa ta bukaci gwamnatin tarayya da ta binciki ko mayakan Boko-haram da suka tsere daga dajin Sambisa da kuma mayaka da suka tsere daga kasar Libya na da hannu cikin kashe-kashen da ke faruwa tsakanin makiyaya da manoma a jihar Benue.

Shugaban kwamitin kula da harkokin ‘yan-sanda na majalisar Sanata Abu Ibrahim ne ya yi wannan kiran yayin zantawar sa da manema labarai a Abuja.

Ya ce gudanar da bincike kan lamarin ya zama wajibi sakamakon irin muggan makamai da maharan ke amfani da su wanda ya ce a iya saninsu Fulani makiyaya basa amfani da bingigogi kirar AK47.

Sanata Abu Ibrahim ya ce bako shakka yakamata a binciki wannan lamarin, domin akwai kanshin gaskiya wajen zargin cewa mayakan Boko-Haram da sojoji da suka tsere daga kasar Libya na da hannu cikin kashe-kashen.

Ya kuma ce wajibi ne sufeto Janar na ‘yan-sanda Ibrahim Idris da sauran jami’an tsaro su fadada komar bincikensu domin gano gaskiyar wadanda ke da hannu cikin kashe-kashen.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,066 other subscribers.

Copyright © 2019. Freedom Radio Group. All Rights Reserved.

error: Content is protected !!